Plantun de Prouvènço

Pèr coumpara dos planto d'encò nostre

Nigella nigellastrum & Potamogeton natans

Nigella nigellastrum

Ranunculaceae

Nom en français : Garidelle fausse nigelle.

Descripcioun :
La garidello trachis dins quàuqui champ de cerealo d'auto Prouvènço, mena en agriculturo tradiciounalo. Es uno planto devengudo forço raro e toujour maleisado de vèire, que li flour soun mistoulino, li tijo, emai grando, primo, e en mai d'acò flouris en pleno calourasso en juliet. Lou miés es encaro de cerca li fru que soun mai facile de destria.

Usanço :
Es uno planto empouisounanto coume lis àutri Nigella.

Port : Erbo
Taio : 20 à 100 cm
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Nigella
Famiho : Ranunculaceae

Ordre : Ranunculales

Coulour de la flour : Bluio
Petalo : 5
Ø (o loungour) flour : 6 à 12 mm
Flourido : Estiéu

Sòu : Ca
Autour basso e auto : Pancaro entresigna
Aparado : Vo
Remarco : Champ de cerealo

Liò : Champ - Meissoun
Estànci : Termoumediterran à Mesoumediterran
Couroulougi : Asìo-Ouèst e Estenomediterran-Nord-Ouèst
Ref. sc. : Nigella nigellastrum (L.) Willk., 1880 (= Garidella nigellastrum L., 1753 )

Espigo-d'aigo(-nadant)

Potamogeton natans

Potamogetonaceae

Autre noum : Poutamot.

Noms en français : Potamot nageant, Epi d'eau.

Descripcioun :
L'espigo-d'aigo-nadant es uno planto devengudo raro en Prouvènço. Trachis subretout dins lis aigo frejo e pulèu claro que soun pas mouvadisso o peréu en ribo d'aigo. Se recounèis majamen à l'articulacioun de soun pecou emé la fueio que fan un angle, au contro de Potamogeton nodosus (fueio de surfàci). Li fueio que soun dins l'aigo, tóuti en long, soun proun grando, fin qu'à 40 cm.

Usanço :
D'ùnis espigo-d'aigo sarien manjadisso en Asìo.